जीव पिसाटला - परतू

( ऑडीओ - व्हीडीओ सहित )

वेड लावे जीवाला बघुनी तुला
पास असुनी तुझी आस लागे मला

एक क्षणही नकोसा दुरावा तुझा
श्वास माझा म्हणू की पुरावा तुझा
काय होणार माझे कळे ना मला
प्रेम छळते किती हे मला तुला
जीव पिसाटला पिसाटला रामा

बोलणे हे तुझे की फुलांचा सडा
हासता किणकिणे चांदण्यांचा चुडा
एवढासाच शृंगार पुरतो तुला
दृष्ट लागो न माझीच माझ्या फुला
जीव पिसाटला पिसाटला रामा

तूच तू सोबती तूच दाही दिशा
ध्यास हि तूच नि तूच माझी नशा
सावली तू कधी तू उन्हाच्या झळा
सांग डोळ्यात लपवू कसा मी तुला
रंग झालो तुझा रंगता रंगता
आग पाणी जणू एक झाले आता
जीव पिसाटला पिसाटला रामा

---

गायक - जसराज जोशी 

चित्रपट - परतू 

संगीत - शशांक पवार 

गीत - वैभव जोशी 

Singer: Jasraj Joshi

Movie: Partu
Music: Shashank Powar
Lyrics: Vaibhav Joshi

---

---

( Jeev pisatla - Partu - Jasraaj Joshi)

ओल्या सांजवेळी - प्रेमाची गोष्ट

( ऑडीओ - व्हीडीओ सहित )
ओल्या सांजवेळी, उन्हे सावलीस बिलगावी
तशी तू जवळी  ये जरा

कोऱ्या कागदाची, कविता अन जशी व्हावी
तशी तू हलके बोल ना

आभाळ खाली झुके, पावलांखाली धुके
सुख हे नवे सलगी करे, का सांग ना

सारे जुने दुवे, जळती जसे दिवे
पाण्यावरी  जरा सोडून देऊया

माझी ही आर्जवे, पसरून काजवे
जातील  या नव्या वाटेवरी तुझ्या

रस्ता नवा शोधू जरा, हातात हात दे
पुसुया जुन्या पाउल खुणा
सोबत  तुझी साथ दे

वळणावरी तुझ्या पाऊस मी उभा
ओंजळ तुझी पुन्हा वाहून जाऊ दे

डोळ्यातल्या सरी विसरून ये घरी
ओळख आता खरी होऊन जाऊ दे

सांभाळ तू माझे मला माझ्या नव्या फुला
मी सावली होऊन तुझी देईन साथ ही तुला

---

गीतकार : अश्विनी शेंडे

गायक : बेला शेंडे - स्वप्नील बांदोडकर

संगीत : अविनाश - विश्वजित 

चित्रपट : प्रेमाची गोष्ट 

Lyrics : Ashwini Shende

Singer : Bela Shende - Swapnil Bandodkar 

Music: Avinash - Vishwajeet  

Movie : Premachi Goshta

---

---

( Olya Sanjweli  -  Premachi Goshta)

टिक टिक वाजते डोक्यात - दुनियादारी

( ऑडीओ - व्हीडीओ सहित )

टिक टिक वाजते डोक्यात
धड धड वाढते ठोक्यात
कभी जमीन कधी नभी, संपते अंतर झोक्यात

नाही जरी सरी तरी भिजते अंग पाण्याने 
सोचू तुम्हें पलभर भी बरसे सावन जोमाने 
शिंपल्यांचे शो-पीस नको
जीव अडकला मोत्यात 
टिक टिक वाजते ..


सूर ही तू, ताल ही तू 
रुठे जो चांद वो नूर है तू 
आसु ही तू हसू ही तू 
ओढ मनाची नि हूरहुर तू 
रोज नवे भास तुझे, वाढते अंतर श्वासात 
टिक टिक वाजते ..

---

गीतकार : मंगेश कांगणे 
संगीतकार : पंकज पडघन 
गायक : सोनू निगम - सायली पंकज
चित्रपट : दुनियादारी 
 Lyricist : Mangesh kangane 
Music Director : Pankaj Padghan 
Singer : Sonu Nigam ,Sayali Pankaj 
Movie : Duniyadari

---

---

( Tik Tik wajate Dokyat - Duniadari )

मला वेड लागले प्रेमाचे - गुरु ठाकूर

( ऑडीओ - व्हीडीओ सहित )

रंगबावऱ्या स्वप्नांना सांगा रे सांगा 
कुंदकळ्यांना वेलींना सांगा रे सांगा 
हे भास होती कसे, हे नाव ओठी कुणाचे 
का सांग वेड्या मना, मला भान नाही जगाचे 
मला वेड लागले प्रेमाचे 

नादावला, धुंदावला, कधी गुंतला जीव बावरा
नकळे कसा कोणामुळे सूर लागला मनमोकळा
हा भास की तुझी आहे नशा, मला साद घालती दाही दिशा 
मला वेड लागले प्रेमाचे 

जगणे नवे वाटे मला, कुणी भेटले माझे मला 
खुलता कळी उमलून हा मनमोगरा गंधाळला
हा भास की तुझी आहे नशा, मला साद घालती दाही दिशा 
मला वेड लागले प्रेमाचे 

---

गीतकार : गुरु ठाकूर
संगीतकार : चिनार - महेश
गायक : स्वप्नील बांदोडकर
चित्रपट : टाईमपास
Lyricist : Guru Thakur
Music Director : Chinar - Mahesh,
Singer : Swapnil Bandokar
Album/Movie : Timepass

---

---

( Mala ved lagle Premache - Guru Thakur )

स्वप्नात साजणा - जगदीश खेबुडकर

( ऑडीओ - व्हीडीओ सहित )
स्वप्नात साजणा येशील का ?
चित्रात रंग हे भरशील का ?

मी जीवन गाणे गावे, तू स्वरात चिंब भिजावे
दोघांनी हरवून जावे, ही किमया नकळत करशील का ?

स्वप्नात साजणा येशील का ?

ही धूंद प्रीतीची बाग, प्रणयाला आली जाग
रोमांचित गोरे अंग, विळख्यात रेशमी धरशील का ?

स्वप्नात साजणा येशील का ?

प्रतिमेचे चुंबन घेता, जणू स्वर्गच येई हाता
मधुमिलन होता होता, देहात भरून तू उरशील का ?

स्वप्नात साजणा येशील का ?

---

गीत - जगदीश खेबुडकर
संगीत - विश्वनाथ मोरे
स्वर - आशा भोसले
चित्रपट - गोंधळात गोंधळ

---

---

( Swapnat Sajana Yeshil ka - Jagadish Khebudkar)

कधी तू - श्रीरंग गोडबोले

( ऑडीओ - व्हीडीओ सहित )

कधी तू रिमझिम झरणारी बरसात
कधी तू चम चम करणारी चांदण्यांत

कधी तू
- कोसळत्या धारा
- थैमान वारा
बिजलीची नक्षी अंबरात
- सळसळत्या लाटा
-भिजलेल्या वाटा
चिंब पावसाची ओलीरात

कधी तू रिमझिम झरणारी बरसात
कधी तू चम चम करणारी चांदण्यांत

कधी तू अंग अंग मोहरणारी
आसमंत दरवळणारी
रातराणी वेड्या जंगलात
कधी तू हिरव्या चाफ्याच्या पाकळ्यांत
कधी तू रिमझिम झरणारी बरसात

जरी तू कळले तरी ना कळणारे
दिसले तरी ना दिसणारे
विरणारे मृगजळ एक क्षणांत
तरी तू मिटलेल्या माझ्या पापण्यांत
कधी तू रिमझिम झरणारी बरसात

---

चित्रपट : मुंबई पुणे मुंबई
दिग्दर्शक : सतीश राजवाडे
संगीतकार : अविनाश-विश्वजीत
गीतकार : श्रीरंग गोडबोले

---

---

( Kadhi Tu Rimzim zarnaari barasat - Shrirang godbole )

कसे सरतील सये - संदीप खरे

( ऑडीओ - व्हीडीओ सहित )
कसे सरतील सये माझ्याविना दिस तुझे ?
सरताना आणि सांग सलतील ना !
गुलाबाची फुलं दोन रोज राती डोळ्यांवर
मुसूमुसू पाणी सांग भरतील ना ! .....

पावसाच्या धारा धारा ..... मोजताना दिस सारा
रिते रिते मन तुझे उरे .....
ओठभर हसे हसे..... उरातून वेडेपिसे
खोल खोल कोण आत झुरे ?
आता जरा अळिमिळी
तुझी माझी व्यथा निळी
सोसताना सुखावून हसशील ना ! .....

कोण तुझ्या सौधातून उभे असे सामसूम
चिडीचूप ..... सुनसान दिवा !
आता सांज ढळेलच आणि पुन्हा छळेलच
नभातून गोरा चांदवा !!
चांदण्याचे कोटी कण
आठवांचे ओले सण
रोज रोज नीजभर भरतील ना ! .....

इथे दूरदेशी माझ्या सुन्या खिडकीच्यापाशी
झडे सर ..... काचभर तडा !
तूच तूच ..... तुझ्या तुझ्या ..... तुझी तुझी ..... तुझे तुझे
सारा सारा तुझा तुझा सडा !! -
पडे माझ्या वाटेतून
आणि मग काट्यातून
- जातानाही पायभर मखमल ना ! .....

आता नाही बोलायाचे ..... जरा जरा जगायाचे
माळुनिया अबोलीची फुले !
देहभर हलू देत ..... विजेवर झुलू देत
तुझ्या माझ्या विरहाचे झुले !!
जरा घन झुरू दे ना
वारा गुदमरू दे ना
तेव्हा नभ धरा सारी भिजवील ना ! .....

---

गीत : संदीप खरे संगीत : संदीप खरे स्वर : संदीप खरे

---

Get this widget | Track details | eSnips Social DNA

---

---

( Kase sartil saye - Sandip Khare )

आता कशाला उद्याची बात ? - अनंत काणेकर

( ऑडीओ - व्हीडीओ सहित )
आता कशाला उद्याची बात ?
बघ उडुनि चालली रात

भरभरूनि पिऊ, रसरंग नऊ
चल बुडुनि जाऊ रंगात

हा ज्वानीचा बहार -
लुटू या भरवसा न ज्वानीचा
दो दिन ही साथ
हासत करि घात

---

गीत : अनंत काणेकर संगीत : मा. कृष्णराव स्वर-शांता हुबळीकर चित्रपट-माणुस

---

Get this widget | Track details | eSnips Social DNA

---

---

( Ata Kashala Udyach baat - Anant Kanekar )

तुम्ही काय म्हणता - सुरेश भट

तुम्ही काय म्हणता याचा मज विषाद नाही
मी जिवंत आहे - माझा हा प्रमाद नाही !

मैफलीत मंबाजींच्या का म्हणून बोलू
कुणालाच कोणाचीही इथे दाद नाही

हा अथांग सागर उसळे जरी यातनांचा
परत मी घरी जाणारा सिंदबाद नाही

कुणी घाव केला तेव्हा मला आठवेना
पुढे काय झाले माझे ? मला याद नाही !

तुला मीच रडतारडता धीर देत आहे
वादग्रस्त माझे अश्रु ह्यात वाद नाही

सावकाश आयुष्याचा खेळ खेळलो मी
बाद होत गेले सारे, मीच बाद नाही

---

गीत : सुरेश भट

---

( Tumhi kaay mhanata yacha maj vishad naahi - Suresh Bhat )

प्रेमा, काय देऊ तुला ? - पी. सावळाराम

( ऑडीओ - व्हीडीओ सहित )
प्रेमा, काय देऊ तुला ?
भाग्य दिले तू मला

प्रीतीच्या या पाखराचे रत्‍नकांचनी पंख देऊ का
देऊ तुला का हर्षगंध हा जीव फुलातून मोहरलेला

या हृदयीच्या जलवंतीची निळी ओढ ती तुला हवी का
रूप मोहिनी लावण्याची हवी तुझ्या का चंद्रकलेला

मोहक सुंदर जे जे दिसते, तूच तयांचा जन्मदाता
घेशील का रे माझ्याकरिता अधरीच्या या अमृताला

---

गीत : पी. सावळाराम
संगीत : वसंत प्रभू
स्वर : लता मंगेशकर

---

---

( Prema Kaay deu tula, bhagya dile tu mala - P Sawalaraam )

देव जरी मज कधी भेटला - पी. सावळाराम

( ऑडीओ - व्हीडीओ सहित )
देव जरी मज कधी भेटला,
माग हवे ते माग म्हणाला
म्हणेन प्रभू रे माझे सारे,
जीवन देई मम बाळाला

कृष्णा गोदा स्नान घालु दे,
रखुमाबाई तीट लावु दे
ज्ञानेशाची गाऊन ओवी,
मुक्ताई निजवु दे तुजला

शिवरायाच्या मागिन शौर्या,
कर्णाच्या घेइन औदार्या
ध्रुव, चिलयाच्या अभंग प्रेमा,
लाभु दे चिमण्या राजाला

---

गीत : पी. सावळाराम
संगीत : वसंत देसाई
स्वर : आशा भोसले

---

---

( Dev jari maj kadhi bhetala - P Sawalaraam )

तुझे गीत गाण्यासाठी - मंगेश पाडगावकर

( ऑडीओ - व्हीडीओ सहित )
तिन्ही लोक आनंदाने भरुन गाउ दे रे
तुझे गीत गाण्यासाठी सूर लावु दे रे

शुभ्र तुरे माळुन आल्या निळ्या निळ्या लाटा
रानफुले लेवुन सजल्या या हिरव्या वाटा
या सुंदर यात्रेसाठी मला जाउ दे रे
तुझे गीत गाण्यासाठी सूर लावु दे रे

मोर केशरांचे झुलती पहाटेस दारी
झऱ्यातुनी दिडदा दिडदा वाजती सतारी
सोहळ्यात सौंदर्याच्या तुला पाहु दे रे
तुझे गीत गाण्यासाठी सूर लावु दे रे

शांत शांत उत्तररात्री मंद मंद तारे
तुझे प्रेम घेउन येती गंधधुंद वारे
चांदण्यात आनंदाच्या मला न्हाउ दे रे
तुझे गीत गाण्यासाठी सूर लावु दे रे

एक एक नक्षत्राचा दिवा लागताना
आणि फुले होण्यासाठी कळ्या जागताना
पौर्णिमा स्वरांची माझ्या तुला वाहु दे रे
तुझे गीत गाण्यासाठी सूर लावु दे रे

---

गीत : मंगेश पाडगावकर
संगीत : यशवंत देव
स्वर : सुधीर फडके

---

---

( Tujhe Geet ganyasathi , sur lawu de - Mangesh Padgaokar )

कळीदार कपूरी पान - राजा बढे

( ऑडीओ - व्हीडीओ सहित )
कळीदार कपूरी पान कोवळं छान केशरी चुना
रंगला काथ केवडा, वर्खाचा विडा घ्या हो मनरमणा

बारीक सुपारी निमचिकनी घालून
जायपत्री वेलची लवंग वरी दाबून
बांधले तसे या कुडीत पंचप्राण
घ्या रंगत करि मर्दुनी, चतुर्दशगुणी, सख्या सजणा

कमरेचा झुलता झोक नूर बिनधोक उरी मावेना
काजळी नजर छिनमिनी चांदणी रैना
छेडिता लालडी मुलाम तुमची गुलाम झाले सजणा
पायी पैंजण छ्न्नक छैना

---

गीत - राजा बढे
संगीत - श्रीनिवास खळे
स्वर - सुलोचना चव्हाण

---

Get this widget | Track details | eSnips Social DNA

---

---

( Kalidar kapuri paan , kowala chaan keshari chuna - Raja Badhe )

तरुण आहे रात्र अजुनी - सुरेश भट

( ऑडीओ - व्हीडीओ सहित )
तरुण आहे रात्र अजुनी राजसा निजलास का रे?
एवढ्यातच त्या कुशीवर तू असा वळलास का रे?

अजुनही विझल्या न गगनी तारकांच्या दीपमाला;
अजुन मी विझले कुठे रे? हाय ! तू विझलास का रे?

सांग, ह्या कोजागिरीच्या चांदण्याला काय सांगू ?
उमलते अंगांग माझे... आणि तू मिटलास का रे?

बघ तुला पुसतोच आहे पश्चिमेचा गार वारा
रातराणीच्या फुलांचा गंध तू लुटलास का रे?

उसळती हुदयात माझ्या अमृताच्या धुंद लाटा
तू किनाऱ्यासारखा पण कोरडा उरलास का रे?

ओठ अजुनी बंद का रे? श्वास ही मधुमंद का रे?
बोल, शेजेच्या फुलांवर तू असा रुसलास का रे?

---

गीत : सुरेश भट
संगीत : पं. हृदयनाथ मंगेशकर
स्वर : आशा भोसले

---

Get this widget | Track details | eSnips Social DNA

---

स्वर : आशा भोसले

---

स्वर : आरती अंकलीकर-टिकेकर

---

( Tarun aahe Ratra Ajuni - Suresh Bhat )

धुंद मधुमती - ग. दि. माडगूळकर

( ऑडीओ - व्हीडीओ सहित )
धुंद मधुमती रात रे, नाथ रे,
तनमन नाचे, यौवन नाचे
उगवला रजनीचा, नाथ रे, नाथ रे

जल लहरी या धीट धावती
हरित तटांचे ओठ चुंबिती
येइ प्रियकरा, येइ मंदिरा
अलि रमले कमलात रे, नाथ रे

ये रे ये का मग दूर उभा ?
ही घटिकाहि निसटुन जायची
फुलतील लाखो तारा,
परि ही रात कधि कधि ना यायची
चषक सुधेचा ओठी लावुनि
कटीभंवती धरि हात रे, नाथ रे

---

गीत : ग. दि. माडगूळकर
संगीत : मा. कृष्णराव
स्वर : लता मंगेशकर

---

Get this widget | Track details | eSnips Social DNA

---

( Dhund Madhumati raat re - Ga Di Madgulkar )

अग्गोबाई ढग्गोबाई - संदीप खरे

( ऑडीओ - व्हीडीओ सहित )
अग्गोबाई ढग्गोबाई लागली कळ
ढगाला उन्हाची केवढी झळ
थोडी न्‌ थोडकी लागली फार
डोंगराच्या डोळ्याला पाण्याची धार

वारा वारा गरागरा सो सो सूम्‌
ढोल्या ढोल्या ढगात ढुम ढुम ढुम
वीजबाई अशी काही तोऱ्यामधे खडी
आकाशाच्या पाठीवर चमचम छडी

खोलखोल जमिनीचे उघडून दार
बुडबुड बेडकाची बडबड फार
डुंबायला डबक्याचा करूया तलाव
साबु-बिबु नको थोडा चिखल लगाव

---

गीत : संदीप खरे
संगीत : सलिल कुळकर्णी
स्वर : सलिल कुळकर्णी / संदीप खरे

---

Get this widget | Track details | eSnips Social DNA

---

---

( Aggobai Dhaggobai lagali kal - Sandip Khare )

पराधीन आहे जगतीं - ग. दि. मा

( ऑडीओ - व्हीडीओ सहित )
दैवजात दुःखे भरतां दोष ना कुणाचा
पराधीन आहे जगतीं पुत्र मानवाचा

माय कैकयी ना दोषी, नव्हे दोषि तात
राज्यत्याग काननयात्रा, सर्व कर्मजात
खेळ चाललासे माझ्या पूर्वसंचिताचा
पराधीन आहे जगतीं पुत्र मानवाचा

अंत उन्नतीचा पतनीं होइ या जगात
सर्व संग्रहाचा वत्सा, नाश हाच अंत
वियोगार्थ मीलन होतें, नेम हा जगाचा
पराधीन आहे जगतीं पुत्र मानवाचा

जिवासवें जन्मे मृत्यू, जोड जन्मजात
दिसे भासतो तें सारें विश्व नाशवंत
काय शोक करिसी वेड्या, स्वप्निंच्या फळांचा ?
पराधीन आहे जगतीं पुत्र मानवाचा

तात स्वर्गवासी झाले, बंधु ये वनांत
अतर्क्य ना झालें काहीं, जरी अकस्मात
मरण-कल्पनेशीं थांबे तर्क जाणत्यांचा
पराधीन आहे जगतीं पुत्र मानवाचा

जरामरण यांतुन सुटला कोण प्राणिजात ?
दुःखमुक्त जगला का रे कुणी जीवनांत ?
वर्धमान तें तें चाले मार्ग रे क्षयाचा
पराधीन आहे जगतीं पुत्र मानवाचा

दोन ओंडक्यांची होते सागरांत भेट
एक लाट तोडी दोघां, पुन्हा नाहिं गांठ
क्षणिक तेंवि आहे बाळा, मेळ माणसांचा
पराधीन आहे जगतीं पुत्र मानवाचा

नको आंसु ढाळूं आतां, पूस लोचनांस
तुझा आणि माझा आहे वेगळा प्रवास
अयोध्येंत हो तूं राजा, रंक मी वनींचा
पराधीन आहे जगतीं पुत्र मानवाचा

नको आग्रहानें मजसी परतवूंस व्यर्थ
पितृवचन पाळून दोघे हो‍उं रे कृतार्थ
मुकुटकवच धारण करिं, कां वेष तापसाचा
पराधीन आहे जगतीं पुत्र मानवाचा

संपल्याविना हीं वर्षें दशोत्तरीं चार
अयोध्येस नाहीं येणें, सत्य हें त्रिवार
तूंच एक स्वामी आतां राज्यसंपदेचा
पराधीन आहे जगतीं पुत्र मानवाचा

पुन्हां नका येउं कोणी दूर या वनांत
प्रेमभाव तुमचा माझ्या जागता मनांत
मान वाढवी तूं लोकीं अयोध्यापुरीचा
पराधीन आहे जगतीं पुत्र मानवाचा

---

गीत : ग. दि. माडगूळकर ( गीतरामायण )
संगीत : सुधीर फडके
स्वर : सुधीर फडके

---

Get this widget | Track details | eSnips Social DNA

---

---

( Paradhin aahe jagati putra manavacha - Ga Di Madgulkar )

जेव्हा तिची नि माझी - मंगेश पाडगावकर

( ऑडीओ - व्हीडीओ सहित )
जेव्हा तिची नि माझी चोरून भेट झाली
झाली फुले कळ्यांची, झाडे भरास आली

दूरातल्या दिव्यांचे मणिहार मांडलेले
पाण्यात चांदण्यांचे आभाळ सांडलेले
कैफात काजव्यांची अन्‌ पालखी निघाली

केसांतल्या जुईचा तिमिरास गंध होता
श्वासातल्या लयीचा आवेग अंध होता
वेड्या समर्पणाची वेडी मिठी मिळाली

नव्हतेच शब्द तेव्हा, मौनात अर्थ सारे
स्पर्शात चंद्र होता, स्पर्शात लाख तारे
ओथंबला फुलांनी अवकाश भोवताली

---

गीत : मंगेश पाडगावकर
संगीत : यशवंत देव
स्वर : अरुण दाते

---

Get this widget | Track details | eSnips Social DNA

---

( Javha tichi ni majhi chorun bhat jhali - Mangesh Padgaokar )

जिवलगा, कधि रे येशील तू ? - ग. दि. मा

( ऑडीओ - व्हीडीओ सहित )
दिवसामागूनि दिवस चालले, ऋतू मागूनी ऋतू
जिवलगा, कधि रे येशील तू ?

धरेस भिजवुन गेल्या धारा
फुलून जाइचा सुके फुलवरा
नभ धरणीसी जोडुन गेले सप्तरंग सेतू !
जिवलगा, कधि रे येशील तू ?

शारदशोभा आली, गेली
रजनीगंधा फुलली, सुकली
चंद्रकलेसम वाढुन विरले अंतरीचे हेतू !
जिवलगा, कधि रे येशील तू ?

हेमंती तर नुरली हिरवळ
शिशीर करी या शरिरा दुर्बळ
पुन्हा वसंती डोलू लागे प्रेमांकित केतू !
जिवलगा, कधि रे येशील तू ?

पुनरपि ग्रीष्मी तीच काहीली
मेघावली नभि पुनरपि आली
पुनश्च वर्षा लागे अमृत विरहावर ओतू !
जिवलगा, कधि रे येशील तू ?

---

गीत : ग. दि. माडगूळकर
संगीत : सुधीर फडके
स्वर : आशा भोसले

---

Get this widget | Track details | eSnips Social DNA

---

---

( Jivalaga kadhi re yeshil tu - Ga Di Madgulkar)

कविता : बिननावांच्या बिनचेहऱ्याच्या - अशोक पुंडे

1.

कुठूनशी एक आठवण येते
घेऊन येते विचारांची वाळलेली पानं
चालताना प्रत्येक पानं देतंय हुंकार
वाढतंच जाते विचारांची आणि आठवणींची गुंतावळ
घट्ट बंद केलेत मनाचे दरवाजे
तरीही थोड्याशा फटीतून येतच राहतात त्या
सलणारी जखम उघडी करण्यासाठी ...............

2.

आज पुंन्हा एकदा दिसलास तू
नजर चुकाउन पळायच्या प्रयन्तात होतास तू
खजील झालेला चेहरा तुझा
केविलवाणी नजर तुझी
तू होतास एक चुकलेला निर्णय
आयुष्याच्या एका वळणावर भेटलास तू,
स्वतःही चुकलास आणि मलाही चुकवलस ..............

3.

आयुष्याच्या संध्याकाळी माझ्या
दिसली माझी आई एका कोपऱ्यात
ती सुद्धा जुनी झाली आता
दाट सावलीसारख असणं तिचं
डोक्यात फिरणारे थरथरणारे हात तिचे
डोळे बंद करताच येतो तिचा चेहरा समोर
ओलावतात डोळे पुंन्हा पुंन्हा आठवणीने तिच्या .............

4.
पडझडीचे दिवस आजही आहेत
जसे काल नव्हते तसे नवेही येत आहेत
अशा दिवसानाही केले सुसह्य
त्यावरच केली आजवरची वाटचाल
पाय झिजले वर्तमानकाळाचा कायापालट करताना
संपले दिवस
संपला उपयोग
होऊ लागली अडचण
एका बेसावध क्षणी आलो इथे
स्वयंनिर्णयाला देखील स्वीकृती नव्हती
आता संवेदनशील जाणीवा देखील ठेवायच्या नाहीत
आता नाही आशेच फुल
आता नाही अपेक्षांचा पक्षी
एखादा संवाद फक्त मौनातच उमलणारा
खिन्न सूर्योदय
भरकटलेला दिवस
निराशेचा सूर्यास्त
मलूल चंद्रदोय
जीवघेणी रात्र
कोरड्या त्रयस्थ नजरा
बेदखल झालेलं अस्तित्व
पोहोचताच येत नाही कोणाजवळ
भाषा संपली
अस्तित्व झाल उपयोग नसलेल्या सहाव्या बोटासारख
हळू हळू वागवलं जातंय जगण्याच्या या चौकटीतून बाहेर काढल्या सारखं
नात्याचे गुंते संपताना तिळ तिळ तुटते आहे आतडं
पण आता दुसऱ्याच्या भावनेवर टाकलेलं आयुष्य उचलून दूर जाणार आहे
मृत्यूचा पापणी नसलेला डोळा बघण्यासाठी ...........................................

---

कवि : अशोक पुंडे
संग्रह : कविता - बिननावांच्या बिनचेहऱ्याच्या

---

( Kavita Bin navacha bin Cheharyanchya - Ashok Punde )