ये रे घना - आरती प्रभू

( ऑडीओ - व्हीडीओ सहित )
ये रे घना, ये रे घना
न्हाउ घाल माझ्या मना

फुले माझि अळुमाळु, वारा बघे चुरगळू
नको नको म्हणताना, गंध गेला रानावना

टाकुनिया घरदार नाचणार, नाचणार
नको नको म्हणताना, मनमोर भर राना

नको नको किती म्हणू, वाजणार दूर वेणू
बोलावतो सोसाट्याचा, वारा मला रसपाना

---

गीत : आरती प्रभू
संगीत : पं. हृदयनाथ मंगेशकर
स्वर : आशा भोसले

---

Get this widget | Track details | eSnips Social DNA

---

---

( Ye Re ghana ye re Nhau ghal mazya mana - Aarati Prabhu)

ती येते आणिक जाते - आरती प्रभू

( व्हीडीओ सहित )
ती येते आणिक जाते
येताना कधि कळ्या आणिते
अन्‌ जाताना फुले मागते

येणे-जाणे, देणे-घेणे
असते गाणे जे न कधी ती म्हणते.

येताना कधि अशी लाजते
तर जाताना ती लाजविते:
कळते काही उगीच तेही
नकळत पाही काहीबाही,
अर्थावाचुन असते ’नाही’, ’हो’, ही म्हणते.

येतानाची कसली रीत:
गुणगुणते ती संध्यागीत,
जाताना कधि फिरून येत,
जाण्यासाठिच दुरुन येत,
विचित्र येते, विरून जाते जी सलते.

---

गायक : महेंद्र कपूर
गीत : आरती प्रभू
संगीत : हृदयनाथ मंगेशकर

---

---

( Ti yete aanik jate, yetana kadhi kalya aanite - Aarati Prabhu )

तुझे नक्षत्रांचे देणे - आरती प्रभु

( ऑडीओ सहित )
गेले द्यायचे राहून, तुझे नक्षत्रांचे देणे;
माझ्यापास आता कळ्या, आणि थोडी ओली पाने

आलो होतो हासत मी, काही श्वासांसाठी फक्त;
दिवसांचे ओझे आता, रात्र रात्र शोषी रक्त

आता मनाचा दगड, घेतो कण्हत उशाला;
होते कळ्यांचे निर्माल्य, आणि पानांचा पाचोळा

---

गायक :आशा भोसले
गीत : आरती प्रभु
संगीत : हृदयनाथ मंगेशकर

---

---

( Gele dyayache rahun , tuze nakshatranche dene - Arati Prabhu )

समईच्या शुभ्र कळ्या - आरती प्रभू

( ऑडीओ - व्हीडीओ सहित )
समईच्या शुभ्र कळ्या, उमलवून लवते;
केसातच फुललेली जाई पायांशी पडते!

भिवयांच्या फडफडी, दिठीच्याही मागे-पुढे;
मागे मागे राहिलेले माझे माहेरे बापुडे!

साचणा-या आसवांना पेंग येते चांदणीची;
आजकाल झाले आहे विसराळू मुलखाची!

थोडी फुले माळू नये, डोळा पाणी लावू नये;
पदराच्या किनारीला शिवू शिवू ऊन ग ये!

हसशील, हास मला, मला हसूही सोसेना;
अश्रू झाला आहे खोल, चंद्र होणार का दुणा!

---

गायक - आशा भोसले
संगीत : पं. हृदयनाथ मंगेशकर

---

( Samaichya Shubhra kalya )

कुणाच्या खांदयावर ... - आरती प्रभू

( ऑडीओ - व्हीडीओ सहित )
कुणाच्या खांदयावर कुणाचे ओझे

कशासाठी उतरावे तंबू ठोकून
कोण मेले कोणासाठी रक्त ओकून
जगतात येथे कुणी मनात कुजून
तरी कसे फुलतात गुलाब हे ताजे

दीप सारे जाती येथे विरुन विझून
वृक्ष जाती अंधारात गोठून जळून
जीवनाशी घेती पैजा घोकून घोकून
म्हणती हे वेडे पीर तरी आम्ही राजे

अंत झाला अस्ताआधी, जन्म एक व्याधी
वेदनांची गाणी म्हणजे, पोकळ समाधी
देई कोण हाळी त्याचा, पडे बळी आधी
हारापरी हौतात्म्य हे, ज्याच्या गळी साजे

कुणाच्या खांद्यावर कुणाचे ओझे..