( ऑडीओ - व्हीडीओ सहित )
नसतेस घरी तू जेव्हा
जीव तुटका तुटका होतो
जगण्याचे विरती धागे
संसार फाटका होतो
नभ फाटून वीज पडावी
कल्लोळ तसा ओढवतो
ही धरा दिशाहीन होते
अन् चंद्र पोरका होतो
येतात उन्हे दाराशी
हिरमुसून जाती मागे
खिडकीशी थबकुन वारा
तव गंधावाचून जातो
तव मिठीत विरघळणार्या
मज स्मरती लाघववेळा
श्वासाविण ह्रुदय अडावे
मी तसाच अगतिक होतो
तू सांग सखे मज काय
मी सांगू या घरदारा?
समईचा जीव उदास
माझ्यासह मिणमिण मिटतो
ना अजून झालो मोठा
ना स्वतंत्र अजुनी झालो
तुजवाचून उमगत जाते
तुजवाचून जन्मच अडतो
( Nasates Ghari Tu Jevha )
खूप जबर्या गाण आहे हे. . . संदीप ने अप्रतिम लिहल आहे!!
ReplyDeleteThere is no words for giving you compliments you are the diamond of all marathi peoples and you are a very great poet as well as a singer .
ReplyDeleteYou are the most lucky b'cause you has both arts ........
God bless you and your art...
ours good wishes is with you forever...