गंजल्या ओठास माझ्या धार वज्राची मिळू दे !
आंधळ्या आत्म्यात माझ्या सूर्य सत्याचा जळू दे !
पांगळा बंदिस्त माझा जन्म आकाशून जावो;
वादळी आवेग माझा चार भिंतींना कळू दे !
सारखे सौंदर्य माझ्या कोरड्या गात्री खळाळो;
सारखे अस्तित्व माझे पेटताना दर्वळू दे !
लाभु दे लाचार छाया मोठमोठ्यांना परंतू
तापल्या मातीत माझा घाम मानाने गळू दे !
आणु दे गा वंचकांना क्रूस छद्माचा दयाळा;
रक्त येशूचे परी डोळ्यांत माझ्या साकळू दे !
गीत : सुरेश भट
संगीत : पं. हृदयनाथ मंगेशकर
स्वर : रवींद्र साठे
चित्रपट - उंबरठा
|
( Ganjalya othas mazya dhar vajrachi milu de - Suresh Bhat )
No comments:
Post a Comment
Please comment. Your review is very important for me.