जे वेड मजला लागले, तुजलाहि ते लागेल का ?
माझ्या मनीची ही व्यथा कोणी तुला सांगेल का ?
मी पाहतो स्वप्नी तुला, मी पाहतो जागेपणी
जे मी मुकेपणि बोलतो शब्दात ते रंगेल का ?
हा खेळ घटकेचा तुझा, घायाळ मी पण जाहलो
जे जागले माझ्या मनी, चित्ती तुझ्या जागेल का ?
माझे मनोगत मी तुला केले निवेदन आज, गे
सर्वस्व मी तुज वाहिले, तुजला कधी उमगेल का ?
गीत : शांता शेळके
संगीत : वसंत पवार
स्वर : आशा भोसले, सुधीर फडके
|
( Je ved majala lagale , tujala hi te laagel ka - Shanta Shelke )
No comments:
Post a Comment
Please comment. Your review is very important for me.