सजल नयन नित धार बरसती
भावगंध त्या जळी मिसळती
वीणेचे स्वर अबोल झाले
गीतामधले काव्यहि सरले
मुक्या मनाचे मुकेच आठव
मूक दीपज्योतीसम जळती
चंद्र चांदणे सरले आता
निरस जाहली जीवनगाथा
त्या भेटीतिल अमृतधारा
तुझ्याविना वीषधारा होती
थकले पैंजण चरणहि थकले
वृंदावनिचे मोहन सरले
तुझ्या स्मृतींची फुले प्रेमले
अजुनि उखाणे मला घालिती
गीत : शांताराम नांदगावकर
संगीत : अशोक पत्की
गायक : अजित कडकडे
No comments:
Post a Comment
Please comment. Your review is very important for me.