सरणार कधी रण प्रभू तरी
हे कुठवर साहू घाव शिरी
दिसू लागले अभ्र सभोती
विदीर्ण झाली जरी ही छाती
अजून जळते आंतर ज्योती
कसा सावरु देह परी
होय तनूची केवळ चाळण
प्राण उडाया बघती त्यातून
मिटण्या झाले अधीर लोचन
खङग गळाले भूमीवरी
पावन खिंडीत पाऊल रोवून
शरीर पिंजेतो केले रण
शरणागतीचा अखेर ये क्षण
बोलवशील का आता घरी
गीत :कुसुमाग्रज
गायक :लता मंगेशकर
संगीत :पं. हृदयनाथ मंगेशकर
( Saranaar kadhi rann prabhi tari - Kusumagraj )
No comments:
Post a Comment
Please comment. Your review is very important for me.