तळव्यावर मेंदीचा अजुन रंग ओला,
माझ्या मनी, प्रीत तुझी, घेते हिंदोळा ||धॄ||
गाईलेस डोळ्यांनी, एक निळे गाणे,
बट हळवी, वार्यातील वेचिते तराणे,
नकळत, तव हात प्रिये,हाती मम आला ||१||
पवनातुनी शीतलता दाटुनिया आली,
दोन मने प्रीतीच्या गंगेतच न्हाली,
आसमंत आनंदे धुंद धुंद झाला ||२||
ही दुपार भिजलेली प्रीत चांदण्यात,
मिटुनी पंख, खग निवांत शांत तरूलतांत,
आज तुझ्या सहवासी जीव धन्य झाला ||३||
गीतः शांताराम नांदगावकर
संगीतः अरूण पौडवाल
गायकः सुरेश वाडकर, अनुराधा पौडवाल
( Talavyawar mendicha ajun rang ola - Shantaram Nandgaokar )
खूप दिवसांचा शोध संपला शतशः धन्यवाद
ReplyDelete