जिवलगा, राहिले रे दूर घर माझे - शांता शेळके

( ऑडीओ - व्हीडीओ सहित )
जिवलगा, राहिले रे दूर घर माझे
पाऊल थकले, माथ्यावरचे जड झाले ओझे

किर्र बोलते घन वनराई
सांज सभोवती दाटून येई
सुख सुमनांची सरली माया पाचोळा वाजे
जिवलगा, राहिले रे दूर घर माझे

गाव मागचा मागे पडला
पायतळी पथ तिमिरी बुडला
ही घटकेची सुटे सराई, मिटले दरवाजे
जिवलगा, राहिले रे दूर घर माझे

निराधार मी, मी वनवासी
घेशील केव्हा मज हृदयासी
तूच एकला नाथ अनाथा, महिमा तव गाजे
जिवलगा, राहिले रे दूर घर माझे

---

गीतकार :शांता शेळके
गायक :आशा भोसले
संगीतकार :पं. हृदयनाथ मंगेशकर

---

---

---

( Jivalaga Rahile re dur ghar maze - Shanta Shelke)