त्याच्या तळाशी अगदी खाली
जिथे आहेत जुने कपडे
कुंच्या टोपडी शेले शाली
त्यातच आहे घडी करुन
जपून ठेवलेली एक पैठणी
नारळी पदर जरी चौकडी
रंग तिचा सुंदर धानी
माझी आजी लग्नामध्ये
हीच पैठणी नेसली होती
पडली होती सा-यांच्या पाया
हाच पदर धरून हाती
पैठणीच्या अवतीभवती
दरवळणारा सुष्म वास
ओळखीची.. अनोळखीची..
जाणीव गुढ़ आहे त्यास
धूर कापूर उदबत्यांतून
जळत गेले किती श्रावण
पैठणीने जपले
एक तन.. एक मन..
माखली बोटे
पैठणीला केव्हा पुसली
शेवंतीची चमेलीची
आरास पदराआडून हसली
वर्षामागुन वर्षे गेली
संसाराचा सराव झाला
नवा कोरा कडक पोत
एक मऊपणा ल्याला
पैठणीच्या घडीघडीतून
अवघे आयुष्य उलगडत गेले
अहेवपणी मरण आले
आजीचे माझ्या सोने झाले
कधीतरी ही पैठणी
मी धरते ऊरी कवळुन
मऊ रेशमी स्पर्शामध्ये
आजी भेटते मला जवळुन
मधली वर्षे गळुन पडतात
कालपटाचा जुळतो धागा
पैठणीच्या चौकड्यानो
आजीला माझ्या कुशल सांगा
वरील कविता माझ्या बाबांनी सांगितली आणि मी लिहून घेतली , त्यात काही चुका असण्याची शक्यता आहे . काही चूक सापडल्यास कृपया कळवावे.
( Paithani - shanta shelke )
सुंदर! मला तुझं खूप कौतुक वाटतं शंतनू! आणि मनापासून आभार. :)
ReplyDeleteधन्यवाद अनघा ! तू नेहमीच हा ब्लॉग वाचतेस त्याबद्दल आभार . हा ब्लॉग एक निमित्त आहे ज्यामुळे मला सुद्धा जुनी छान छान गाणी, जुन्या नव्या छान कविता पुन्हा पुन्हा वाचता येतात, ऐकता येतात. खूप खुप आभार !
ReplyDeleteशंतनू ही कविता मी कधीपासून शोधत होते....म्हणून सगळ्यात आधी तुझे आभार ..पण एकच सांगायचं आहे ...सौभाग्य मरण नसून त्याजागी "अहेवपणी मरण आले ,आजीचे माझ्या सोने झाले " अशी दुरुस्ती आहे.(अहेवपणी म्हणजे पती जिवंत असताना )तुझा ब्लॉग मस्त आहे .
ReplyDeleteमृदु ,सर्वप्रथम तुझे खूप खूप आभार. चुकीची दुरुस्ती केली आहे.
ReplyDeleteधन्यवाद !! मला दोन गझल हव्या होत्या -पहिली म्हणजे "सलोना सा साजन (आशा भोसले) "आणी "राज की बाते लिखी (गुलाम अली)"
ReplyDeleteजर तू ब्लॉगवर या गझल टाकल्यास तर क्या बात है!!!
woooow!! very nice blog. I have become big fan of this in a first visit!!!
ReplyDeleteआम्हला इयत्ता वी च्या अभ्यासक्रमात होती ही कविता, मला खूप आवडायची ती.
ReplyDeleteमाफ करा त्यात काही सुधार सुचवायचे आहेत,
पैठणीने जपले
एक तन.. एक मन..
अत्तराने माखली बोटे.....
असे काहीसे ते शब्द आहेत असे आठवते आहे, कृपया एकदा तपासून घ्यावे.
अत्तराने माखली बोटे..... nahi
ReplyDeleteखस-हीन्यात माखली बोटें
khas-hinyaat maakhalI bote
ReplyDeletepaithani la kevhaa pusali
paithanichya avatibhavati
daravaLanaara "sukshma" waas
Happy to share with you that, shantabainnijevha hi kavita keli tya nantar thodyach divsaani tya amchya ghari yaycha yog jamun ala.khup agraha kelya war tyanni majhya Aaji karta hi kavita mhanun dakhavli hoti.tyanchya tondun hi kavita aiktana Kay watla hey shabdat wyakt Karana kathin ahe.
ReplyDelete