तू गेल्यावर असे हरवले सुर - शांताराम नांदगावकर

( ऑडीओ - व्हीडीओ सहित )
तू गेल्यावर …(२)
असे हरवले सुर
हरवले गाणे
वेलीवरचे फूल ठिबकले
हळवे दर्द दिवाणे
हरवले गाणे …(३) || ध्रु ||

शब्दांचा संभार आटला
गीतातुन अंधार दाटला …(२)
पाण्यावर थरथरले अवचित
मार्दव अश्रु तराणे || १ ||

हरवले गाणे …(३)

---

गायिका : अनुराधा पौडवाल
गायक : सुरेश वाडकर
गीत : शांताराम नांदगावकर

संगीत : अरुण पौडवाल

---

---

( Tu Gelyawar ase harawale sur - Shantaram Nandgaokar - Singer Suresh wadkar)

गा गीत तू सतारी - शांताराम नांदगावकर

( ऑडीओ सहित )
गा गीत तू सतारी, गा गीत आसवांचे
या जीवनात वेडे, नाही कुणी कुणाचे

किती रंग गंध हळवे, फुलती भल्या पहाटे
होता दुपार विरती, निमिषात सांज दाटे
काळोख पीत येती, स्वर मंद काजव्याचे
या जीवनात वेडे, नाही कुणी कुणाचे

पंखात ऊब घेते, पिल्लू मुक्या खगाचे
चोचीत गोड दाणा घेण्यास जीव नाचे
पिल्लास पंख फुटता, घर शून्य पाखराचे
या जीवनात वेडे, नाही कुणी कुणाचे

टाक्यापरी सुईच्या स्वर आर्त छेदणारे
ते सांधती मनाचे आभाळ फाटणारे
गाण्यापरी जिण्याला, आकार भावनांचे
या जीवनात वेडे, नाही कुणी कुणाचे

---

गीत : शांताराम नांदगावकर
संगीत : अशोक पत्की
स्वर : राणी वर्मा

---

Get this widget | Track details | eSnips Social DNA

---

( Ga geet tu satari , ga geet asawanche - Shantaram Nandgaokar )

सजल नयन नित धार बरसती - शांताराम नांदगावकर

( ऑडीओ - व्हीडीओ सहित )
सजल नयन नित धार बरसती
भावगंध त्या जळी मिसळती

वीणेचे स्वर अबोल झाले
गीतामधले काव्यहि सरले
मुक्या मनाचे मुकेच आठव
मूक दीपज्योतीसम जळती

चंद्र चांदणे सरले आता
निरस जाहली जीवनगाथा
त्या भेटीतिल अमृतधारा
तुझ्याविना वीषधारा होती

थकले पैंजण चरणहि थकले
वृंदावनिचे मोहन सरले
तुझ्या स्मृतींची फुले प्रेमले
अजुनि उखाणे मला घालिती

---

गीत : शांताराम नांदगावकर
संगीत : अशोक पत्की
गायक : अजित कडकडे

---

---

---

( Sajal nayan nit dhaar barasati - Shantaraam Nandgaokar )

तळव्यावर मेंदीचा अजुन रंग ओला - शांताराम नांदगावकर

( ऑडीओ - व्हीडीओ सहित )
तळव्यावर मेंदीचा अजुन रंग ओला,
माझ्या मनी, प्रीत तुझी, घेते हिंदोळा ||धॄ||

गाईलेस डोळ्यांनी, एक निळे गाणे,
बट हळवी, वार्‍यातील वेचिते तराणे,
नकळत, तव हात प्रिये,हाती मम आला ||१||

पवनातुनी शीतलता दाटुनिया आली,
दोन मने प्रीतीच्या गंगेतच न्हाली,
आसमंत आनंदे धुंद धुंद झाला ||२||

ही दुपार भिजलेली प्रीत चांदण्यात,
मिटुनी पंख, खग निवांत शांत तरूलतांत,
आज तुझ्या सहवासी जीव धन्य झाला ||३||

---

गीतः शांताराम नांदगावकर
संगीतः अरूण पौडवाल
गायकः सुरेश वाडकर, अनुराधा पौडवाल

---

---

---

( Talavyawar mendicha ajun rang ola - Shantaram Nandgaokar )

ससा की कापूस जसा - शांताराम नांदगावकर

( ऑडीओ - व्हीडीओ सहित )
ससा तो ससा की कापूस जसा
त्याने कासवाशी पैज लाविली
वेगे वेगे धावू नि डोंगरावर जावू
ही शर्यत रे अपुली

चुरुचुरु बोले तो तुरुतुरु चाले
नि कासवाने अंग हलविले
ससा जाई पुढे नि झाडामागे दडे
ते कासवाने हळू पाहियले
वाटेत थांबलेला कुणाशी बोलले ना
चालले लुटुतुटु पाही ससा

हिरवी हिरवी पाने नि पाखरांचे गाणे
हे पाहुनिया ससा हरखला
खाई गार चारा घे फांदीचा निवारा
तो हळूहळू तेथे पेंगुळला
मिटले वेडे भोळे गुंजेचे त्याचे डोळे
झाडाच्या सावलीत झोपे ससा

झाली सांजवेळ तो गेला किती काळ
नि शहारली गवताची पाती
ससा झाला जागा तो उगा करी त्रागा
नि धाव घेई डोंगराच्या माथी
कासवा तेथे पाही ओशाळा मनी होई
'निजला तो संपला' सांगे ससा

---

गायक :उषा मंगेशकर
संगीत :अरूण पौडवाल
गीत :शांताराम नांदगावकर

---

---

---

( Sasa to sasa ki kapus jasa - Shantaram Nandgaokar)