बाई मी पतंग उडवीत होते - ग. दि. मा

( ऑडीओ - व्हीडीओ सहित )
चढाओढीने चढवीत होते
ग बाई मी पतंग उडवीत होते

होता झकास सुटला वारा
वर पतंग अकरा-बारा
एकमेकांना अडवित होते
बाई मी पतंग उडवीत होते

काटाकाटीस आला ग रंग
हसू फेसाळ घुसळीत अंग
दैव हारजीत घडवीत होते
बाई मी पतंग उडवीत होते

माझ्या दो-यानं तुटला दोरा
एक पतंग येई माघारा
गेला गुंतत गिरवीत गोते
बाई मी पतंग उडवीत होते

---

गीत - ग. दि. माडगूळकर
संगीत - सुधीर फडके
गायक - आशा भोसले

---

---

(Bai mi patang udavit hote - ga. di. madgulkar )