तुमच्या आवडत्या कविता / गाणी माणिक मोती मध्ये टाकायची असल्यास अथवा माझ्याशी संपर्क साधायचा असल्यास - shantanu.deo.ads@gmail.com

Friday, April 30, 2010

वाटेवर काटे वेचीत चाललो - अनिल

( ऑडीओ - सहित )
वाटेवर काटे वेचीत चाललो
वाटले जसा फुलाफुलात चाललो ॥धृ.॥

मिसळुनी मेळ्यात कधी, एक हात धरूनि कधी
आपुलीच साथ कधी करित चाललो ॥१॥

आधिचा प्रसाद घेत, पुढची ऎकीत साद
नादातच शीळ वाजवित चाललो ॥२॥

चुकली तालात चाल, लागला जिवास बोल
ढळलेला तोल सावरीत चाललो ॥३॥

खांद्यावर बाळगिले, ओझे सुखदुखा:चे
फेकुन देऊन अता परत चाललो ॥४॥

गायक - कार्तिकी गायकवाड

( Vatewar kaate vechit chalalo )

Thursday, April 29, 2010

तनमन अमृत बनते ग - सुरेश भट

अमृतमय मी, अमृतमय तू, तनमन अमृत बनते ग;
अमृतमय श्वासात आपुल्या अमृतनभ थरथरते ग!

अमृतमय मौनातच रिमझिम रिमझिमती अमृतधारा;
भिजते माझे अंगअंग, पण अंग तुझेही भिजते ग!

रुधिरातील कल्लोळ हावरा रुधिराताच फिरला विरला;
एकच इवले कातर स्पंदन अंतरात किलबिलते ग!

आत्म्याच्या चांदण्यात अपुल्या हुरहुरत्या हाका घुमती;
जन्माच्या वेलीचे सावध पानपान सळसळते ग!

कायांचा कापूर बंद पण दरवळ बघ तरळत उठला;
स्पर्शाविण स्पर्शांचे वादळ धमन्यातुन भिरभिरते ग!

प्राणाच्याही पार आपुल्या कुठेतरी भेटी घडती;
गडे, मला हे जाणवते अन् तुजलादेखिल कळते ग!

स्वप्नाफुलानी आज शिगोशिग डोळ्यांची परडी भरली;
तुझी नव्हाळी, माझी तगमग... कोण कुणाला खुडते ग?
( Amrutamay mi amrutmay tu , tan man amrut banate ga )

Wednesday, April 28, 2010

थेंब - सुरेश भट

काय जे होणार माझे, ते मला माहीत आहे!
मी तुझ्यासाठी तरीही जिन्दगी जाळीत आहे!

पहिला जो चेहरा मी, तो कुठे माझा निघाला?
मी कधीपासून माझा चेहरा शोधीत आहे!

शेवटी झालेच नाही चांदणे माझे तरीही
मी कुठे हा तू दिलेला चन्द्र नाकारीत आहे!

चालणारया यात्रिकांना रोखले कोणी कळेना,
हा सुना रस्ताच आता पावले टाकीत आहे!

का करू आता खुलासा? सांगण्याची वेळ गेली
कालच्या माझ्या चुकांनो, आज मी घाईत आहे!

वाटतो आहे जगाला हा जरी पेला रिकामा,
मी तळाशी राहिलेले थेंब काही पीत आहे!
( Kaay je honaar maze, te mala mala mahit aahe,
Mi tuzyasaathi tarihi, zindagi jalit aahe )

Tuesday, April 27, 2010

देवाघरचे ज्ञात कुणाला - वसंत कानेटकर

( ऑडीओ - व्हीडीओ सहित )
देवाघरचे ज्ञात कुणाला विचित्र नेमानेम
कुणी रखडती धुळीत आणिक कुणास लाभे हेम

मी निष्कांचन निर्धन साधक
वैराग्याचा एक उपासक
हिमालयाचा मी तो यात्रिक
मनात माझ्या का उपजावे संसाराचे प्रेम


( Devagharache dhnyat kunala )

Monday, April 26, 2010

सावळाच रंग तुझा

( ऑडीओ - व्हीडीओ सहित )
सावळाच रंग तुझा पावसाळी नभापरी
आणि नजरेत तुझ्या वीज खेळते नाचरी

सावळाच रंग तुझा चंदनाच्या बनापरी
आणि नजरेत तुझ्या नाग खेळती विखारी

सावळाच रंग तुझा गोकुळीच्या कृष्णापरी
आणि नजरेत तुझ्या नित्य नादते पावरी

सावळाच रंग तुझा माझ्या मनी झाकळतो
आणि नजरेचा चंदर् पाहू केव्हा उगवतो

सावळाच रंग तुझा करी जीवा बेचैन
आणि नजरेत तुझ्या झालो गडी बंदीवान


( Sawalach rang tuza , pawasali nabhapari )

Sunday, April 25, 2010

बाज़ीचा-ऐ-अत्फाल - गालिब

( ऑडीओ - व्हीडीओ सहित )
बाज़ीचा-ऐ-अत्फाल है दुनिया मेरे आगे
होता है शब-ओ-रोज़ तमाशा मेरे आगे
[बाज़ीचा-ऐ-अत्फाल = भातुकलीचा खेळ]

इक खेल है औरंग-ऐ-सुलेमान मेरे नज़दीक
इक बात है एजाज़-ऐ-मसीहा मेरे आगे
[औरंग = सिंहासन; एजाज़ = चमत्कार]

जुज़ नाम नहीं सूरत-ऐ-आलम मुझे मंजूर
जुज़ वहम नहीं हस्ती-ऐ-आशिया मेरे आगे
[जुज़ = या शिवाय ; आलम = जग ; आशिया = गोष्ट]

होता है निहां गर्द में सेहरा मेरे होते
घिसता है जबीं ख़ाक पे दरिया मेरे आगे
[निहां = लपलेला ; गर्द = धूळ, सेहरा = वाळवंट, जबीं = कपाळ]

मत पूछ के क्या हाल है मेरा तेरे पीछे
तू देख के क्या रंग है तेरा मेरे आगे

सच कहते हो खुदबीन-ओ-खुदारा हूँ न क्यों हूँ
बैठा है बुत-ऐ-आईना सीमा मेरे आगे
[खुदबीन = गर्विष्ट, खुदारा = स्व स्तुती करणारा, बुत-ऐ-आईना = lover's mirror; सीमा = particularly]

फिर देखिये अंदाज़-ऐ-गुलफ़शानी-ऐ-गुफ्तार
रख दे कोई पैमाना-ऐ-सहबा मेरे आगे
[गुलफ़शानी = to scatter flowers while speaking, सहबा = दारू]

नफरत का गुमाँ गुज़रे है मैं रश्क से गुज़रा
क्यों कर कहूँ लो नाम ना उस का मेरे आगे
[गुमाँ = suspicion; रश्क = असूया]

ईमान मुझे रोके है जो खींचे है मुझे कुफ्र
काबा मेरे पीछे है कलीसा मेरे आगे
[कुफ्र = impiety, कलीसा = church]

आशिक हूँ पे माशूक्फरेबी है मेरा काम
मजनूं को बुरा कहती है लैला मेरे आगे

खुश होते हैं पर वस्ल में यूं मर नहीं जाते
आई शब-ऐ-हिजरां की तमन्ना मेरे आगे

है मौजज़न इक कुल्ज़ुम-ऐ-खून काश! यही हो
आता है अभी देखिये क्या-क्या मेरे आगे
[मौजज़न = turbulent, कुल्ज़ुम = समुद्र]

जो हाथ को जुम्बिश नहीं आंखों में तो दम है
रहने दो अभी सागर-ओ-मीना मेरे आगे
[जुम्बिश = हालचाल; सागर-ओ-मीना =दारू चा पेला]

हमपेशा-ओ-हम्माशाराब-ओ-हमराज़ है मेरा
'ग़ालिब' को बुरा क्यों कहो अच्छा मेरे आगे

( bajicha e atfal hai duniya mere aage )

Friday, April 23, 2010

कैवल्याच्या चांदण्याला - अशोकजी परांजपे

( ऑडीओ - व्हीडीओ सहित )
कैवल्याच्या चांदण्याला भुकेला चकोर
चंद्र व्हा हो पांडुरंगा, मन करा थोर

बालवयी खेळी रमलो, तारुण्य नासले
वृद्धपणी देवा आता दिसे पैलतीर

जन्म-मरण नको आता, नको येरझार
नको ऐहिकाचा नाथा व्यर्थ बडिवार

चराचरापार न्या हो जाहला उशीर
पांडुरंग पांडुरंग मन करा थोर
गायक - जितेंद्र अभिषेकी


( Kaivalyachya chandanyala bhukela chakor )

Thursday, April 22, 2010

आज जाने की जिद ना करो - फय्याज हाश्मी

( ऑडीओ - व्हीडीओ सहित )
आज जाने की जिद ना करो (३)
यूँही पहलू में बैठे रहो (२)
आज जाने की जिद ना करो
हाय मर जायेंगे, हम तो लुट जायेंगे
ऐसी बातें किया ना करो
आज जाने की जिद ना करो (२)
हाय मर जायेंगे, हम तो लुट जायेंगे
ऐसी बातें किया ना करो
आज जाने की जिद ना करो


तुम ही सोचो ज़रा, कयूँ ना रोके तुम्हे
जान जाती है जब उठ के जाते हो तुम (२)
तुमको अपनी क़सम जान-ए-जान
बात इतनी मेरी मान लो
आज जाने की जिद ना करो
यूँही पहलू में बैठे रहो (२)
आज जाने की जिद ना करो
हाय मर जायेंगे, हम तो लुट जायेंगे
ऐसी बातें किया ना करो
आज जाने की जिद ना करो


वक़्त कि क़ैद में जिन्दगी है मगर (२)
चन्द घड़ियाँ येही हैं जो आज़ाद हैं (२)
इनको खोकर मेरी जान-ए-जान
उम्र भर ना तरसते रहो
आज जाने कि जिद ना करो
हाय मर जायेंगे, हम तो लुट जायेंगे
ऐसी बातें किया ना करो
आज जाने की जिद ना करो


कितना मासूम रंगीन है यह समां
हुस्न और इश्क कि आज मैंराज है (२)
कल कि किसको खबर जान-ए-जान
रोक लो आज की रात को
आज जाने की जिद ना करो
यूँही पहलू में बैठे रहो (२)
आज जाने की जिद ना करो
हाय मर जायेंगे, हम तो लुट जायेंगे
ऐसी बातें किया ना करो
आज जाने की जिद ना करो
मूळ गायक - फरीदा खानुम

गायक - शफ़ाक़त अमानत अली खान

गायक - आशा भोसले

( Aaj Jaane ki zid na karo )

Wednesday, April 21, 2010

पसायदान - संत ज्ञानेश्वर

( ऑडीओ - व्हीडीओ सहित )
आता विश्वात्मकें देवें । येणे वाग्यज्ञें तोषावें ।
तोषोनिं मज ज्ञावे । पसायदान हें ॥

जें खळांची व्यंकटी सांडो । तया सत्कर्मी- रती वाढो ।
भूतां परस्परे पडो । मैत्र जीवाचें ॥

दुरितांचे तिमिर जावो । विश्व स्वधर्म सूर्यें पाहो ।
जो जे वांच्छिल तो तें लाहो । प्राणिजात ॥

वर्षत सकळ मंगळी । ईश्वरनिष्ठांची मांदियाळी ।
अनवरत भूमंडळी । भेटतु भूतां ॥

चलां कल्पतरूंचे आरव । चेतना चिंतामणींचें गाव ।
बोलते जे अर्णव । पीयूषाचे ॥

चंद्र्मे जे अलांछ्न । मार्तंड जे तापहीन ।
ते सर्वांही सदा सज्जन । सोयरे होतु ॥

किंबहुना सर्व सुखी । पूर्ण होऊनि तिन्हीं लोकी ।
भजिजो आदिपुरुखी । अखंडित ॥

आणि ग्रंथोपजीविये । विशेषीं लोकीं इयें ।
दृष्टादृष्ट विजयें । होआवे जी ।

येथ म्हणे श्री विश्वेशराओ । हा होईल दान पसावो ।
येणें वरें ज्ञानदेवो । सुखिया जाला ॥

( Pasaydaan - Sant Dhnyaneshwar )

Tuesday, April 20, 2010

दयाघना - सुधीर मोघे

( ऑडीओ - व्हीडीओ सहित )
दयाघना, का तुटले चिमणे घरटे
उरलो बंदी असा मी

अरे जन्म बंदीवास, सजा इथे प्रत्येकास
चुके ना कुणास, आता बंदी तुझा मी

दहा दिशांची कोठडी, मोहमाया झाली वेडी
प्राण माझे ओढी, झालो बंदी असा मी

बालपण ऊतू गेले अन तारुण्य नासले
वार्धक्य साचले, उरलो बंदी तूझा मी


( Dayaghana , ka tutale , chimane gharate )

Monday, April 19, 2010

त्या फुलांच्या गंधकोशी - सूर्यकांत खांडेकर

( ऑडीओ - व्हीडीओ सहित )
त्या फुलांच्या गंधकोशी, सांग तू आहेस का?
त्या प्रकाशि तारकांच्या,ओतिसि तु तेज का?
त्या नभाच्या नीलरंगी होवूनी आहेस का?
गात वायूच्या स्वरानी ,सांग तू आहेस का?

मानवाच्या अंतरीचा प्राण तू आहेस का?
वाद्लाच्या सागराचे घोर ते तू रूप का?
जीवनी या वर्षणारा तू कृपेचा मेघ का?
आसमंती नाचणारी तू विजेची रेघ का?

जीवनी संजीवनी तू ,माउलीचे दूध का?
कष्टणा-या बांधवांच्या रंगसी नेत्रात का?
मूर्त तू मानव्य का रे,बालकांचे हास्य का?
या इथे अन त्या तिथे रे सांग तू आहेस का?


( Ty fulanchya gandhakoshi sang tu aahes ka ? )

Saturday, April 17, 2010

मोहब्बत करनेवाले - हफ़ीज़ होशियारपुरी

( ऑडीओ - व्हीडीओ सहित )
मोहब्बत करनेवाले कम न होंगे
तेरी महफ़िल में लेकिन हम न होंगे

ज़माने भर के ग़म या इक तेरा ग़म
ये ग़म होगा तो कितने ग़म न होंगे
तेरी महफ़िल में लेकिन हम न होंगे

दिलों की उलझनें बढ़ती रहेंगी
अगर कुछ मश्वरे बाहम न होंगे
तेरी महफ़िल में लेकिन हम न होंगे
(बाहम = आपसात)

अगर तू इत्तफ़ाक़न मिल भी जाये
तेरी फ़ुर्क़त के सदमें कम न होंगे
तेरी महफ़िल में लेकिन हम न होंगे
(फ़ुर्क़त = विदाई)

‘हफ़ीज़’ उन से मैं जितना बदगुमाँ हूँ
वो मुझ से इस क़दर बर्हम न होंगे
तेरी महफ़िल में लेकिन हम न होंगे
(बदगुमाँ == शंका घेणे, बर्हम == नाराज़)

( Mohobbat karnewaale kam na honge )

Friday, April 16, 2010

एवढे दे पांडुरंगा - सुरेश भट

माझिया गीतात वेडे दु:ख संतांचे भिनावे;
वाळल्या वेलीस माझ्या अमॄताचे फूल यावे !

आशयांच्या अंबरांनी टंच माझा शब्द व्हावा;
कोरडा माझा उमाळा रोज माधुर्यात न्हावा !

स्पंदने ज्ञानेश्वराची माझिया वक्षांत व्हावी;
इंद्रियांवाचून मीही इंद्रिये भोगून घ्यावी !

एकनाथाने मलाही बैसवावे पंगतीला;
नामयाहाती बनावे हे जिणे गोपाळकाला !

माझियासाठी जगाचे रोज जाते घर्घरावे;
मात्र मी सोशीन जे जे ते जनाईचे असावे !

मी तुक्याच्या लोचनांनी गांजल्यासाठी रडावे;
चोख वेव्हारात मझ्या मी मला वाटून द्यावे !

ह्याविना काही नको रे एवढे दे पांडुरंगा !
ह्याचसाठी मांडीला हा मी तुझ्या दारात दंगा !
( Evadhe de panduranga )

Thursday, April 15, 2010

केली पण प्रीती - मंगेश पाडगांवकर

( ऑडीओ - सहित )
अखेरचे येतील माझ्या हेच शब्द ओठी
लाख चुका असतील केल्या, केली पण प्रीती

इथे सुरु होण्याआधी, संपते कहाणी
साक्षीला केवळ उरते, डोळ्यांतील पाणी
जखम उरी होते ज्यांच्या, तेच गीत गाती
लाख चुका असतील केल्या, केली पण प्रीती

सर्व बंध तोडूनी जेव्हा नदी धुंद धावे
मीलन वा मरण पुढे, हे तिला नसे ठावे
एकदाच आभाळाला अशी भिडे माती
लाख चुका असतील केल्या, केली पण प्रीती

गंध दूर ज्याचा, आणिक जवळ मात्र काटे
असे फुल प्रीती म्हणजे कधी हाय वाटे
तरी गंध धुंडीत धावे जीव तुझ्यासाठी
लाख चुका असतील केल्या, केली पण प्रीती

आर्त गीत आले जर हे कधी तुझ्या कानी
गूज अंतरीचे कथिले तुला ह्या स्वरांनी
डोळ्यांतून माझ्यासाठी लाव दोन ज्योती
लाख चुका असतील केल्या, केली पण प्रीती

( Akherache yetil mazya hech shabd Othi, Lakh chuka asatil kelya keli pan preeti )

Tuesday, April 13, 2010

अबके हम बिछड़े - अहमद फराज

( ऑडीओ - व्हीडीओ सहित )
अबके हम बिछड़े तो शायद, कभी ख्वाबों में मिलें
जिस तरह सूखे हुए फूल किताबों में मिलें

ढूँढ बिछड़े हुए लोगों में वफा के मोती
ये खज़ाने तुझे मुमकिने ख़राबों में मिलें

तू खुदा है न मेरा इश्क फ़रिश्तों जैसा
दोनों इंसाँ हैं तो क्यों इतने हिजाबों में मिलें

ग़मे दुनिया भी ग़मे यार में शामिल कर लो
नश्शा बढ़ता है शराबें जो शराबों में मिलें

आज हम दार पे खींचे गए जिन बातों पर
क्या अजब कल वो जमाने को निसाबों में मिलें

अब न वो मैं हूँ, न तू है, न वो मंजिल है फ़राज़
जैसे दो साए तमन्ना के सराबों में मिलें

( Ab ke hum bichade to shayad kahi khwabon me mile )

Monday, April 12, 2010

दुभंगून जाता जाता ...- सुरेश भट

( ऑडीओ - सहित )
दुभंगून जाता जाता मी अभंग झालो !
चिराचिरा जुळला माझा, आत दंग झालो !

सल जुनेच सलता सलता सुखावून गेले !
अन्‌ हळूच गुणगुणती हे वळ न मोजलेले !
कशी कथा सरता सरता पूर्वरंग झालो !
दुभंगून जाता जाता मी अभंग झालो

किरण एक धरुनी हाती मी पुढे निघालो !
अन्‌ असाच वणवणताना मी मला मिळालो !
सर्व संग सुटले; माझा मीच संग झालो !
दुभंगून जाता जाता मी अभंग झालो

ज्ञानदेव लिहुनी गेले ओळओळ भाळी !
निमित्तास माझे गाणे, निमित्तास टाळी !
तरू काय ? इंद्रायणिचा मी तरंग झालो !
दुभंगून जाता जाता मी अभंग झालो

कुठे दिंड गेली त्यांची कळेना बिचारी !
मी इथेच केली माझी सोसण्यात वारी !
’पांडुरंग’ म्हणता म्हणता ’पांडुरंग’ झालो !
दुभंगून जाता जाता मी अभंग झालो

( Dubhangun jaata jaata mi abhang zalo )

Sunday, April 11, 2010

कर्तव्याने घडतो माणूस - मनोहर कवीश्वर

ऐनयुद्धाच्या वेळी रणांगणावर मोहवश झालेल्या अर्जुनाला युद्धासाठी तयार हो हे समजावताना श्रीकृष्णाने केलेला उपदेश आणि गीतेतील अंश काव्यरूपात मांडला आहे.

विमोह त्यागून कर्मफलांचा सिद्ध होई पार्था
कर्तव्याने घडतो माणूस जाणून पुरूषार्था ॥धृ॥

शस्त्र त्याग तव शत्रू पुढती नच शोभे तुजला
कातर होसी समरी मग तू वीरोत्तम कसला
घे शस्त्र ते सुधीर होऊन रक्षाया धर्मार्था
कर्तव्याने घडतो माणूस जाणून पुरूषार्था ॥१॥

कर्तव्याच्या पुण्यपथावर मोहांच्या फूलबागा
मोही फसता मुकशिल वीरा मुक्तीच्या मार्गा
इह तव लोकी अशांतीने तव विक्रम झुकवील माथा
कर्तव्याने घडतो माणूस जाणून पुरूषार्था ॥२॥

कुणी आप्त ना कुणी सखा ना जगती जीवांचा
क्षणभंगुर ही संसृती आहे खेळ ईश्वराचा
भाग्य चालते कर्मपदांनी जाण खऱ्या वेदार्था
कर्तव्याने घडतो माणूस जाणून पुरूषार्था ॥३॥

रंगहीन मी या विश्वाच्या रंगाने रंगलो
कौरवात मी पांडवांत मी अणुरेणूत भरलो
मीच घडवितो मीच मोडितो उमज आता परमार्था
कर्तव्याने घडतो माणूस जाणून पुरूषार्था ॥४॥

कर्मफुलाते अर्पून मजला सोड अहंता वृथा
सर्व धर्म परी त्यजून येई शरण मला भारता
कर्तव्याची साद तुझ्या तुज सिद्ध करी धर्मार्था
कर्तव्याने घडतो माणूस जाणुन पुरूषार्था ॥५॥

वरील कविता मंगेश नाबर यांच्या सहयोगाने अणि फरमाइशीवरून. धन्यवाद् मंगेश !

Saturday, April 10, 2010

वय निघून गेले - सुरेश भट

( ऑडीओ - सहित )
देखावे बघण्याचे वय निघून गेले
रंगांवर भुलण्याचे वय निघून गेले

गेले ते उडुन रंग
उरले हे फिकट संग
हात पुढे करण्याचे वय निघून गेले

कळते पाहून हेच
हे नुसते चेहरेच
चेहऱ्यांत जगण्याचे वय निघून गेले

रोज नवे एक नाव
रोज नवे एक गाव
नावगाव पुसण्याचे वय निघून गेले

रिमझिमतो रातंदिन
स्मरणांचा अमृतघन
पावसात भिजण्याचे वय निघून गेले

हृदयाचे तारुणपण
ओसरले नाही पण
झंकारत झुरण्याचे वय निघून गेले

एकटाच मज बघून
चांदरात ये अजून
चांदरात फिरण्याचे वय निघून गेले

आला जर जवळ अंत
का हा आला वसंत
हाय्‌, फुले टिपण्याचे वय निघून गेले

( Dekhave baghnyache vay nighun gele )

Friday, April 9, 2010

मी हजार चिंतांनी - संदीप खरे

( ऑडीओ - व्हीडीओ सहित )
मी हजार चिंतांनी हे डोके खाजवतो,
तो कट्ट्यावर बसतो, घुमतो, शीळ वाजवतो.

मी जुनाट दारापरी किरकिरा बंदी,
तो सताड उघड्या खिडकीपरी स्वछंदी,
मी बिजागरीशी जीव गंजवीत बसतो,
तो लंघुन चौकट पार निघाया बघतो.

डोळ्यात माझीया सुर्याहुनी संताप,
दिसतात त्वचेवर राप उन्हाचे शाप,
तो त्याच उन्हाचे झगझगीत लखलखते,
घड्वून दागिने सुर्यफुलांपरी झुलतो.

मी पायीरुतल्या काचांवरती चिडतो,
तो त्याच घे‌ऊनी नक्षी मांडून बसतो,
मी डाव रडीचा खात जिंकतो अंती,
तो स्वच्छ मोकळ्या मुक्त मनने हरतो.

मी आस्तिक मोजत पुण्या‌ईची खोली,
नवसांची ठेवून लाच लावतो बोली,
तो मुळात येतो इच्छा अर्पून सार्‍या
अन धन्यवाद देवाचे घेवून जातो.

मज अध्यात्माचा रोज नवा शृंगार,
लपतो न परि चेहरा आत भेसूर,
तो फक्‍त ओढतो शाल नभाची तरीही,
त्या शाम निळ्याच्या मोरपीसापरि दिसतो


( Mi hajar chintani doke khajawato )

Thursday, April 8, 2010

माझे किती क्षण राहिले - सुरेश भट

( ऑडीओ - व्हीडीओ सहित )
आता जगायाचे असे माझे किती क्षण राहिले ?
माझ्या धुळीचे शेवटी येथे किती कण राहिले?

ह्रदयात विझला चंद्रमा... नयनी न उरल्या तारका...
नाही म्हणायाला तुझे हे आपुलेपण राहिले

अजुनी कुणास्तव तेवतो हा मंद प्राणाचा दिवा?
अजुनी मला फसवायला हे कुठले निमंत्रण राहिले?

ते लोक होते वेगळे घाईत जे गेले पुढे ...
मी मात्र थांबुन पाहतो मागे कितीजण राहिले?

कवटाळुनी बसले मज दाही दिशांचे हुंदके
माझे अता दु : खासवे काही न भांडण राहिले!

होता न साधा एवढा जो शब्द मी तुजला दिला
एकाच शब्दाला उभे आयुष्य तारण राहिले.

अवघ्या विजा मी झेलल्या, सगळी उन्हे मी सोसली
रे बोल आकाशा, तुझे आता किती पण राहिले?

ओसाड माझे घर मुळी नाही बघायासारखे
हे आसवांचे तेवढे अध्याप तोरण राहिले.


( Ata jagayache ase , maze kiti kshan rahile )

Wednesday, April 7, 2010

हा काळ हरामी - कैलास गांधी

वाटेत भेटतो रोज मला धमकावून जातो
हा काळ हरामी मलाच गंडा घालून जातो

घुसतेच कशी हि घरात माझ्या तिरीप कोवळी
मी रोज घराची खिडक्या दारे लावून जातो

इथे मुक्याचे नाणे कधीही वाजत नाही
फक्त बोलका भाव नेहमी खावून जातो

मी देतो शिक्षा माझ्यामधल्या अपराध्याला
जो आरोप नेहमी माझ्यावरती ठेवून जातो

मी पुढे चाललो आहे कि परतीच्या वाटेवर
हा प्रश्न सारखा तुला मला भंडावून जातो

तो फक्त जमवतो जाहिरातींचे कपटे काही
अन पत्रकार मी खुशाल तरीही सांगून जातो

मी ऋण मानतो फक्त तयाचे माथी माझ्या
तो एक कवी जो काळाला ओलांडून जातो

- कैलास गांधी

Tuesday, April 6, 2010

हारलेले डाव - सुरेश भट

( ऑडीओ - व्हीडीओ सहित )
या नदीच्या पार तेथे एक माझे गाव होते
कोण जाणे हाय तेव्हा काय माझे नाव होते

तो कसा बाजार होता, ती कशी होती दुकाने
रक्त होते एक ज्याचे वेगळाले भाव होते

प्राण जाताना दग्याचा मी कुठे आरोप केला
ओळखीच्या माणसांचे ओळखीचे गाव होते

ते ना होते , नेहमीच्या त्याच काट्यांचे पहारे
ते फुलांच्या लाजण्यांचे लाघवी घेराव होते

राहिले आयुष्य कोठे लावण्यासाठी पणाला
घेतले जे श्वास ते हि - हारलेले डाव होते

( ya nadichya paar tethe , Ek maze gav hote )

Monday, April 5, 2010

म्यानातून उसळे तलवारीची पात - कुसुमाग्रज

( ऑडीओ - व्हीडीओ सहित )
म्यानातून उसळे तलवारीची पात
वेडात मराठे वीर दौडले सात

ते फिरता बाजूस डोळे, किंचित ओले
सरदार सहा सरसावुनि उठले शेले
रिकबीत टाकले पाय, झेलले भाले
उसळले धुळीचे मेघ सात निमिषात

आश्चर्यमुग्ध टाकून मागुती सेना
अपमान बुजविण्या सात अर्पुनी माना
छावणीत शिरले थेट भेट गनिमांना
कोसळल्या उल्का जळत सात दर्यात

खालून आग, वर आग, आग बाजूंनी
समशेर उसळली सहस्त्र क्रुर इमानी
गदीर्त लोपले सात जीव ते मानी
खग सात जळाले अभिमानी वणव्यात

दगडावर दिसतील अजूनि तेथल्या टाचा
ओढयात तरंगे अजूनि रंग रक्ताचा
क्षितिजावर उठतो अजूनि मेघ मातीचा
अद्याप विराणी कुणी वार्‍यावर गात

( Myanatun Usale talawarichi Paat , Vedat marathe veer daudale saat )

Sunday, April 4, 2010

यात काही पाप नाही - मंगेश पाडगांवकर

सिगरेटचा जेव्हा तुम्ही, मजेत घेता मस्त झुरका,
आवडलेल्या आमटीचा, आवाज करीत मारता भुरका,
विश्वास ठेवा यात काही पाप नाही,
आनंदाने जगायचं नाकारणं, याच्यासारखा आणि दुसरा शाप नाही !

जबरदस्त डुलकी येते, धर्मग्रंथ वाचता वाचता,
लहान बाळासारखे तुम्ही, खुर्चीतच पेंगू लागता,
विश्वास ठेवा यात काही पाप नाही,
आनंदाने जगायचं नाकारणं, याच्यासारखा आणि दुसरा शाप नाही !

देवळापुढील रांग टाळून, तुम्ही वेगळी वाट धरता,
गरम कांदाभजी खाऊन, पोटोबाची पूजा करता,
विश्वास ठेवा यात काही पाप नाही,
आनंदाने जगायचं नाकारणं, याच्यासारखा आणि दुसरा शाप नाही !

प्रेमाची हाक येते, तुम्ही धुंद साद देता,
कवितेच्या ओळी ऐकून, मनापासून दाद देता,
विश्वास ठेवा यात काही पाप नाही,
आनंदाने जगायचं नाकारणं, याच्यासारखा आणि दुसरा शाप नाही !
(Yat kahi paap nahi - mangesh padgaokar )

Friday, April 2, 2010

अद्यापही सु-याला - सुरेश भट

अद्यापही सुर्‍याला माझा सराव नाही
अद्यापही पुरेसा हा खोल घाव नाही

येथे पिसून माझे काळीज बैसलो मी
आता भल्याभल्यांच्या हातात डाव नाही

हे दु:ख राजवर्खी .. ते दु:ख मोरपंखी..
जे जन्मजात दु:खी त्यांचा निभाव नाही

त्यांना कसे विचारू कोठे पहाट गेली
त्यांच्या पल्याड त्यांची कोठेच धाव नाही

जी काल पेटली ती वस्ती मुजोर होती
( गावात सज्जनांच्या आता तणाव नाही )

झाले फरार कुठे संतप्त राजबिंडे
कोठेच आसवांचा बाका बनाव नाही

गर्दित गारद्यान्च्या सामील रामशास्त्री
मेल्याविन मढ्याला आता उपाव नाही

जावे कुण्या ठिकाणी उद्वस्त पापियांनी?
( संतांतही घराच्या राखेस भाव नाही )

उचारणार नाही कोणीच शापवाणी…
तैसा ऋषीमुनींचा लेखी ठराव नाही

साध्याच माणसांचा एल्गार येत आहे…
हा थोर गाडुंळाचा भोंदू जमाव नाही !

ओठी तुझ्या न आले अद्याप नाव माझे
अन् ओठ शोधण्याचा माझा स्वभाव नाही
( Adyap hi suryala maza sarav naahi, adyap hi puresa ha khol ghav naahi _